AREA ACUÁTICA DE SAÚDE

A área Acuática de saúde confórmana unha serie de actividades físico-deportivas realizadas no medio acuático e recomendadas pola maioría dos especialistas en saúde. A actividade física-acuática está indicada nos seguintes casos:

-Desviacións de columna vertebral, escoliosis, hiperlordosis e hipercifosis.
-Alteracións do sistema óseo-muscular, artrose, artrite, osteoporose, hernias díscales, lumbalxias, etc.
-Readaptaciones deportivas tras operacións cirúrxicas de hernias discales, menisectomias, próteses diversas.
-Lesións vasculares e circulatorias.
-Embarazo (ata o 8º mes) e postparto.

O obxectivo do curso é aproveitar os beneficios que o corpo experimenta ao mergullarse na auga (liberación de ata un 90% do peso corporal), o que fai que diminúan considerablemente as presións sobre todas as articulacións en xeral, diminuíndo a dor e permitindo á persoa moverse con maior comodidade e incrementar a amplitude dos seus movementos. En conclusión, o medio acuático permítenos realizar actividades físico-deportivas beneficiosas para a saúde con menos esforzo e máis axustadas ás necesidades de todas aquelas persoas con algunha das enfermidades antes descritas.


Normativa e proceso de matrícula:

O interesado deberá concertar unha entrevista co coordinador da área co fin de:
-Recibir información máis ampla sobre a metodoloxía de traballo así como das normas administrativas do curso.
-Cubrir unha ficha persoal.
-Concretar horarios e días.
Será necesario presentar un informe do seu médico especialista no que se especifique a enfermidade que padece. No caso de embarazo será necesario un xustificante do seu xinecólogo conforme pode realizar o curso.
A idade mínima para realizar o curso é de doce anos, e é necesario que os nenos teñan autonomía na piscina profunda.