A área de piscinas cuberta alberga cinco vasos climatizados de diferentes características:

O vaso polivalente ou piscina deportiva ten 25 metros de longo, unha anchura de 13 metros e unha profundidade que oscila entre 1,60, 1,80 e 1,40 metros, o que posibilita a habilitación de seis rúas para a práctica de natación.

O vaso de xogos, de 25 metros de longo, está deseñado para o recreo dos usuarios, na súa maioría xente da terceira idade. Cunha profundidade que vai de 0,80 cm a 1,06 metros, o vaso ten forma curva, cunha zona cuberta e outra descuberta comunicadas a través dunha cristaleira que permite o paso dos bañistas sin saír da auga. No interior, a piscina conta cunha seta cascada e dous surtidores de auga, zona de burbuxas e unha canle de corrente de auga dirixida.

O terceiro vaso sirve para a recepción de dous tobogáns tubo pechados, cun percorrido de 64 a 67 metros de lonxitude que realizan diversas curvas tanto polo interior como polo exterior do edificio. A piscina de tobogáns ten unha profundidade de 1,06 metros.

A piscina de ondas funciona mediante un equipo hidroneumático que forma dous tipos de ondas e está dotada dunha profundidade que vai en aumento ata chegar aos 1,80 metros, facendo un efecto similar ás ondas do mar. Ademais tamén dispón de chorro de masaxe.

A piscina infantil ou de bebés é un vaso de chapoteo para o xogo dos nenos de curta idade. Cunha profundidade de 0,20 a 0,40 centímetros, está separada do resto das piscinas.